«Парасат жол – Адалдық жолы»

Адамгершілік қасиет – жеке адамның басындағы емес, жалпы қоғамның таусылмас байлығы.

Адамдық борыш ар үшін,

Барша адамзат қамы үшін.

Серт берген еңбек етем деп,

Алдағы атар таң үшін.

«Парасат жолы» – адалдық, парасаттылық, әділеттілік қағидаттарын қалыптастыруға, сондай-ақ ұлттық мәдениет пен руханият құндылықтарын қоғамда ілгерілетуге бағытталған жоба.

Қазақстан Республикасы Сыбайлас жемқорлыққа қарсы іс-қимыл Агенттігінің және Қазақстан Республикасы Мәдениет және спорт министрлігінің қолдауымен еліміздің түкпір-түкпірінен «Парасат жолы» орталығы ашылып жатыр. Маңғыстау облысының білім басқармасының Қарақия ауданы бойынша білім бөлімінің "№5 жалпы білім беретін мектеп" КММ-сінің кітапханасында орталық өз жұмысын бастады.

Ауқымды жобаға өз үлестерін қосуға ниет танытқан іс-шараға қатысушылар «Парасат жолы» орталығының игі бастамалар мен жарқын істердің ұйытқысы болатынына сенім білдірді. «Ұяда не көрсең, ұшқанда соны ілесің» деген аталы сөзді атамыз бекер айтпаған. Әр адам мемлекеттік заңдарды құрметтеп, ата – бабамыздың тәжірибесін үнемі назарда ұстап отыруы тиіс. «Парасаттылыққа бастар жол» атты бұрышының ашылу мақсаты да болашақ ұрпағымыздың адал, әділ жолда еңбек етіп, халқының қамын ойлаған азамат етіп қалыптастыру. Алдағы уақытта жағдайы төмен отбасыларға көмек қолы созылып, жастарды еңбекқорлыққа, жомарттыққа тәрбиелеу жұмыстары жүргізілетін болады.

Әл-Фараби өз сөзінде «Бақыттың мәні – парасаттылықта, әркімнің өз алдына игілікті мақсат қоя білуінде, ол мақсатпен кездейсоқ рақат үшін емес, адамның өз мінез-құлқын, іс-әрекетін ерікті түрде өзгертіп, ізгілікке бағыттап отыруында» деп парасаттылық қасиетінің мағынасын ашып айтқан болатын.

Парасаттылық сана сезімі қазіргі таңдағы өскелең ұрпақпен бірге барлық адамзаттың бойында міндетті қолданылатын қасиеттердің бірі болуы керек.

Тілекбаева Ұлмекен Талғатқызы

⚜ Ашық сабақ ⚜

Ашық сабақ Сонымен қатар 06.02.2023ж күні сағат 16:20-да математика пәні мұғалімі Байдәулетов Сүлеймен Мұратұлы өз ашық сабағын өткізді. АКТ қолдана отырып, сыныпты 3 топқа бөліп алды. Сабақта оқушылардың қатысуы жақсы болды әрі тақырыпқа түсінгендері кері байланыс кезінде де белгілі болды. Тақырыбы: Екі бұрыштың қосындысы мен айырымының синусы мен косинусы формулалары Сынып: 9 "Ә" Пән: Алгебра

⚜ Ашық сабақ ⚜

Ашық сабақ 06.02.2023ж күні сағат 15:30-де МИФ пән бірлестігінің жоспарына сәйкес апталықтың алғашқы ашық сабағын Жарылкасинова Роза Жұмажанқызы ашып берді. Оқушылардың барлығы сабаққа белсене қатысты. Ашық сабақ жоғары деңгейде өтті. Көрнекілік жағынан ешқандай мін болған жоқ, барлығы өз орнында. Тақырып: Электр тогының жұмысы мен қуаты. Токтың жылулық әрекеті. Джоуль-Ленц заңы Сынып: 8 "А" Пән: Физика

Tiktok trends dance 2023

Сергіту сәті МИФ пән бірлестігі 15 минуттық ұзақ қоңырау кезінде оқушылардың уақытын тиімді әрі қызықты пайдалану мақсатында "Tiktok trends dance 2023" челленджін ұйымдастырды. Бұл шараға мектебіміздің 5-6 сынып оқушылары қатыстырылды. Оқушылар сабақ оқумен қатар өздерін жаңа қырынан тани бастағандай.

"ӘЛЕМНІҢ ҒАЖАЙЫП ҮШ ТІРЕГІ"

⚜ 06.02.2023ж ⚜ Бүгін №5 ЖББМ МИФ пән бірлестігің "ӘЛЕМНІҢ ҒАЖАЙЫП ҮШ ТІРЕГІ" атты апталығының ашылу салтанаты болып өтті. Іс-шара барысында бірлестік ұстаздары оқушылар мен мектеп ұстаздарын кіре беріс дәлізде ерекше көңіл-күймен күтіп алды. Оқушылардың ерекше назарын аударған әйгілі Трансформеры үлгісіндегі роботы болды. Сонымен қатар оқушылар құрастырған EV3 роботтары көрме ретінде қойылды.

Олимпиада

Республикалық жасөспірімдер олимпиадасы 7-8 сынып оқушыларының аудандық кезеңінің жеңімпаздары: 1)қазақ тілі пәні бойынша 7-сынып оқушысы Абат Айзере 2-орын, жетекшісі Күлханова Ж, 8-сынып оқушысы Рамазан Гүлжанат 1 орын, жет Тілекбаева Ұ. 2) орыс тілі мен әдебиеті пәні бойынша 7-сынып оқушысы Тезекбай Әсемай 2-орын, жетекшісі: Толыбаева Қ., 8-сынып оқушысы Оңғар Ақниет 2-орын, жетекшісі: Умарбаева Г.О. 3) ағылшын тілі пәні бойынша 7-сынып оқушысы Полатбай Динара 1-орын, 8-сынып Науайыев Мирас 1-орын. Жетекшісі Шаңдақбаева А.Е. 4) математика пәні бойынша 8-сынып оқушысы Жұбаныш Алина 3-орын. Жетекшісі: Құлханова Қ.Т. 5) физика пәні бойынша 8- сынып оқушысы Атағозы Толғанай. Жетекшісі: Жарылкасинова Р.Ж. 6) информатика пәні бойынша 8-сынып оқушысы Деміш Нұршат 3-орын. Жетекшісі Аманчаева Л.М. 7) химия пәні бойынша 8-сынып оқушысы Сағындықова Альбина 2-орын. Жетекшісі Тугелова А.К. 8)география пәні бойынша 8 сынып оқушысы Есбосын Альбина 3-орын. Жетекшісі Кенжебаева Қ. 9) биология пәні бойынша 7-сынып оқушысы Жәдігерұлы Мейрамбек 3-орын. Жетекшісі Жилкибекова А.

Олимпиада

Республикалық жалпы білім беретін пәндер бойынша 5-6 сынып оқушылары олимпиадасының аудандық кезеңінің жеңімпаздары: 1)қазақ тілі мен әдебиеті пәні бойынша 5 сынып оқушысы Тулембет Каусар 2-орын. Жетекшісі: Қадырова Ш. 6-сынып оқушысы Ислам Айдана 3-орын. Жетекшісі:Темирова Р. 2) орыс тілі мен әдебиеті пәні бойынша 5-сынып оқушысы Ешман Ұзақбай 1 орын, облыстан 1-орын. Жетекшісі: Умарбаева Г.О. 6 сынып оқушысы Нұрланқызы Айша 2-орын. Жетекшісі: Толыбаева Қ. 3) ағылшын тілі пәні бойынша 5-сынып оқушысы Нұрлан Жантілек 1 орын, обл сертификат. Жетекшісі: Байкулова Ж. 4) математика пәні бойынша 6 сынып оқушысы Жақсылық Әлқуат 2-орын. Жетекшісі: Абдикеримова Г. 5) Қазақстан тарихы пәні бойынша 6-сынып оқушысы Таңатар Орынжан 2-орын. Жетекшісі: Тугелов А. 6) Жаратылыстану пәні бойынша Бақтыбай Інжу 2-орын. Жетекшісі: Кенжебаева Қ. 7) Жаратылыстану 5 сынып Жолдыбай Мұхаммед 3-орын. Жет: Кенжебаева Қ.

Өз өміріңізге салғырт қарамаңыз‼️‼️

Өз өміріңізге салғырт қарамаңыз Мессенджерлерде, тик-ток трендте үш бала мен ересектер секіріп, ортасында тұрған адамды құлататын бейнеролик көптеп таралуда. Құрметті ересектер! Осы мәселені бақылауға алып, балалармен түсіндірме жұмыстарын жүргізуді және оның салдары туралы жақсылап түсіндіруді сұраймыз?! Құрметті балалар! Мұндай бейнероликтерде көрсетілген трюктерді қайталамаңыз! Бұл сіздің денсаулығыңызға немесе өміріңізге қауіп төндіруі мүмкін! Өміріңізге жауапкершілікпен қараңыз!

"Оқуға құштар мектеп"

"Оқуға құштар мектеп" жобасы аясында 5 ЖББМ-нің кітапханасы жаңа көркем әдебиеттермен толықты. Жаңа кітаптардың ішінен қазақ әдебиеті, шетел, аударма кітаптары, балалар әдебиеті және мотивациялық кітаптарды кездестіруге болады. Жаңа кітаптарды таныстыру мақсатында мектеп дәлізінде кітап көрмесі ұйымдастырылып, жаңа әдебиеттер оқырмандарға таныстырылды. Әдеби қор жаңа кітаптармен толығуына байланысты, кітапханаға келетін оқырмандар саны артуда.

“Қыста оқимыз”

Қысқы каникул кезіндегі оқушылардың уақытты тиімді пайдалану мақсатында өткізілген “Қыста оқимыз” атты іс-шаралардан көрініс Жиренше Шешен әңгімелері #кітапғажайыптарыәлеміндегіжазғыоқиғалар